Vorhús

Fyrirtækið er upprunalega stofnað í lok árs 2007 af Sveinbjörgu Hallgrímsdóttur og seldi um árabil hönnunarvörur undir nafni Sveinbjargar með góðum árangri. Samhliða auknum vexti erlendis og því að fleiri hönnuðir komu að vöruþróun í fyrirtækinu var ákveðið að víkka út starfsemina í hönnunarhús. Sveinbjörg ákvað í framhaldinu að nafni fyrirtækisins yrði breytt í Vorhus.

Vorhús dregur nafn sitt af gömlu bæjarnafni húss á Eyrarbakka sem langamma Sveinbjargar átti og hét Vorhús. Nafnið vísar til vorsins þegar ungar fæðast, gróður grænkar og líf færist í móana. Litrík náttúran og fjölbreytileiki hennar er okkar fyrirmynd. Stefna fyrirtækisins er að skapa fallegar vörur úr fjölbreyttum efnivið og að vera staður þar sem hönnuðir skapa fyrir framtíðina.

Hönnunarlína fyrirtækisins dregur nafn sitt af Sveinbjörgu Hallgrímsdóttur sem er myndlistamaður og jafnframt eigandi og stofnandi fyrirtækisins.

Sveinbjörg hefur starfað sem myndlistamaður og myndlistarkennari allt sitt líf. Hún vinnur grafíkverk sín aðallega í tréristur og kopar. Það er íslenska náttúran sem er henni hvað mest hugleikin og veitir henni sterkan innblástur. Þetta endurspeglast í öllum hennar verkum og nú einnig í hönnunarlínunni, sem er öll unnin upp úr myndlistinni hennar.

Fjölbreytt úrval hönnunar úr ranni Vorhús fæst í verslunum Dúka í Kringlunni og Smáralind. Meðal þess eru bakkar eða bakki, servéttur, skurðarbretti, viskastykki, ferðamál, handklæði, þvottapokar og borðdúkar. Einnig diskar, skálar, bollar og undirskálar, rjómakanna, teketill og ilmkerti. Ofan á allt eru til ullarteppi.

Við mælum að sjálfsögðu með að koma í verslanir okkar og skoða vöruúrvalið. Þessi fallega og vinsæla hönnun er tilvalin til persónulegra nota eða sem gjafavara.