Bialetti

Bialetti er rótgróið ítalskt fyrirtæki sem hóf starfsemi sína árið 1919. Í litla þorpinu Crusinallo opnaði Alfonso Bialetti verkstæði til framleiðslu á hálfunnum vörum úr áli. Fyrirtækið stækkaði hratt og þar voru rannsakaðar, hannaðar og framleiddar fullunnar vörur tilbúnar til sölu.

Árið 1933 fær Alfonso Bialetti snilldarhugmyndina Moka Express könnuna sem gjörbylti kaffigerð Ítala. Nafnið Moka kemur frá borginni Mokha í Jemen, sem er eitt mest leiðandi og frægasta framleiðslusvæði kaffis um allan heim. Í meira en öld hefur Bialetti haft áhrif á morgunupplifanir milljóna Ítala og dreift ítölskum hefðbundnum kaffigildum um allan heim. Þeir hafa alltaf gert sér grein fyrir hversu mikilvægur helgisiði kaffidrykkja er.

Rómur Bialetti vörumerkisins barst hratt og var því meðal annars að þakka auglýsingum í hléum í vinsælum sjónvarpsþáttum og samskiptaherferðum byggðum á ímynd l’Omino con i baffi, yfirvaraskeggsmannsins, sem er einkennismerki Bialetti. Slagorðið „Ó, já, já… það virðist auðvelt (að búa til gott kaffi)!“ urðu svo einkennisorðin.

Hin langa og djúpa reynsla af Bialetti kaffi mætir vel áskorun espressóvéla og með I Caffe d’Italia hylkjum sem eru mjög vinsæl. Kaffihylkin eru umhverfisvæn úr endurvinnanlegu áli. Árið 2021 hófst svo framleiðsla á Bialetti Perfetto Moka kaffinu, sem er sérstaklega gert fyrir könnurnar og vélarnar.

Í dag er fyritækið því þekkt fyrir kaffivörur sínar og húsbúnaðarvörur tengdu slíku og er samsteypan með framleiðslu á Ítalíu, Rúmeníu og Tyrklandi.

Í Dúka bjóðum við upp á mokkakönnurnar sem allir þekkja orðið, en einnig espresso bolla úr gleri, handhægu pressukönnurnar, mjólkurflóara fyrir helluborð eða ekki og mjólkurkönnur. Einnig eru til tveggja bolla mini express kaffikönnur, bollar og undirskálar. Með þeim er hægt að kaupa stand fyrir könnurnar og kaffibolla úr keramik.

Nauðsynjavörur tengdar kaffi frá Bialetti og fylgihlutir eru að sjálfsögðu til hjá okkur, svo sem mjólkurfreyðari, hitaplatti, sigti, handfang og millistykki fyrir spanhelluborð.

Gæðakaffið sjálft er á sínum stað í verslunum okkar og kaffikrukka og alls kyns sniðug gjafavara fyrir kaffifólk, svo sem fallegir espresso bollar af ýmsum gerðum og í mörgum litum.

Velkomin í Dúka og skoðið vöruúrvalið hjá okkur.