Description
Fallegir handsaumaðir vettlingar úr selskinni frá Grænlenska fyrirtækinu Great Greenland. Teygjanlegur saumur í kringum úlnlið svo að hanskarnir renni síður af. Innvols vettlingana er úr mjúku flísefni og loðfeldur er þvottabjörn. Allir hanskarnir eru einstakir í útliti þar sem fjöldi flekkja er bundið því selskinni sem saumað er úr. Hanskarnir eru unisex og koma í stærðunum XS-XL. Við val á stærð þá mælum við með að hafa vettlingana aðeins rúmlega svo rými sé í kringum fingur, ef of litlir hanskar eru teknir þá halda þeir ekki eins vel hita.
Allar selskinnsvörur frá Great Greenland eru með EU vottun sem staðfestir sjálfbæra veiði á sel af grænlenskum inúíta veiðimönnum með fram Grænlandsströndinni. Öll selskinn eru sútuð í sútunarverksmiðju Great Greenland í suður Grænlandi og saumaskapurinn er handbragð heimamanna.
