Description
Ítalska fyrirtækið Alessi var stofnað árið 1921 og hefur síðan verið leiðandi í framleiðslu á hágæða stálvörum. Ótalmörg hönnunartákn hafa fæðst innan veggja Alessi þegar frægir hönnuðir og arkítektar vinna í samstarfi við fyrirtækið, t.d. Juicy Salif sítruspressan eftir Philippe Starck, 9093 ketillinn eftir Michael Graves og Anna G. upptakarinn eftir Alessandro Mendini.
Ítalski arkítektinn Aldo Rossi notaðist mikið við minimalískar, abstrakt línur og lék sér með frumformin og rúmfræðileg mynstur við hannanir sínar. Il Conico ketillinn hannaði Rossi fyrir Alessi árið 1986 og varð þessi skemmtilegi, keilulagaði ketill fljótt eitt af hönnunartáknum Alessi.
